ఇక తెలంగాణనా ? సమైక్యాంధ్రనా ఏ సంగతి ఇంగా తెల్సుకోలేక తిప్పలు వడుతున్న చంద్రబాబు ఆరునెలలు అధికారం ఇస్తే ఏందనేది తేల్చుకోని ఆ తరువాత సమన్యాయం ఎట్ల చేయాలెనో ఆలోచించి.. ఆ తరువాత కొబ్బరికాయ సమంగ పల్గదీసి.. ఉన్నది ఒక్కడే కొడుకు గావట్క ఇద్దరు పిల్లలున్నోళ్ల ఇండ్ల సుట్టు తిర్గి. ఆళ్లకు ఏ పిల్ల ఇష్టమో తెల్సుకోని .. ఆ తరువాత చిత్తూరు నుంచి ఆదిలవాద్ కు .... రంగారెడ్డి నుండి శ్రీకాకుళానికి పాదయాత్ర జేసి ఆంధ్ర ప్రదేశ్ ఎంత పొడుగు ..ఎంత ఎడెల్పు ఉందో తన అడుగులతోనే లెక్క గట్కోని అప్పుడు ఓ దినం మేస్త్రీలను పిల్సుకోనొచ్చి దారం పట్టించి తెలంగాణ - ఆంధ్ర ఇబజిస్తడట. మనిషికో మాట ..గొడ్డుకో దెబ్బ అని అంటరు. చంద్రబాబు కు మాటలు, దెబ్బలు ఏవి గుడ్క పనిజేసెటట్లు లేదు.
ఇగ అయ్యకు అధికార మొచ్చిన తర్వాత ఎల్గుల కొచ్చిన కడప చిన్రాయుడు జగన్ బాబు సమైక్యాంధ్ర సమైక్యాంధ్ర అని దేశవంత తిరిగి చెప్తున్నడు. ప్రధాన ప్రతిపక్షం బీజేపీ, అధికార పక్షం యూపీఏ రెండు గుడ తెలంగాణ బిల్లుకు సై అన్నంక తెలంగాణ ఎట్ల ఆగుతదో ఈ చిన్రాయునికె తెల్వాలె. తండ్రి అధికారంల ఉంటెనే కోట్లు ముల్లె గట్టినోడు ..చేతికి అధికార దొరికితె చెరబట్టుడు ఖాయం. మొన్న తుపాను వచ్చిందని రైతులను కల్వనీకె వొయ్యి మైకుల మాట్లాడనీకె మడికెట్లల్ల సెక్యూరిటీ కానిస్టేబుల్ ను వంగవెట్టిండు జగన్. ఇసోంటోనికి గిట్ల సీమాంధ్ర జనం ఓట్లేస్తె జనం అందరినీ ఒంగవెట్టుడు ఖాయం.
ఇసవంటి నేతలతోని సీమాంధ్ర జనం ఎట్ల ముందలవడ్తరో .. ఏమో ..ఈళ్లను దేవుడే కాపాడాలె
sandeepreddy kothapally
please like & share
www.facebook.com/thovva
కామెంట్‌లు లేవు:
కామెంట్‌ను పోస్ట్ చేయండి