కేసీఆర్ పార్టీని ఎందుకు విలీనం చేయడం లేదు ?

సమైక్యాంధ్ర అనకుండా తెలంగాణను అడ్డుకునేందుకు అన్ని రకాల విఫలయత్నాలు చేస్తున్న టీడీపీ అధినేత

చంద్రబాబు నాయుడు ఇప్పటి దాకా ఆ ఒక్క సమైక్యాంధ్ర అనే పదం ఎందుకు అనలేదు ? అంటే దాని వెనక పెద్ద లాజిక్కే ఉంది. కేసీఆర్ తీసుకునే నిర్ణయం మీద తన రాజకీయ పునాదులు నిలబెట్టుకునేందుకు చంద్రబాబు ఆరాటపడుతున్నాడు.

తెలంగాణ ఇస్తే బొంతపురుగును ముద్దాడుతాం..టీఆర్ఎస్ ను కాంగ్రెస్ లో విలీనం చేస్తాం అని కేసీఆర్ ఇది వరకే ప్రకటించాడు. అయితే కాంగ్రెస్ మీద అనుమానంతో ఆ విషయంలో కేసీఆర్ ఇప్పుడు తొందరపడడం లేదు. ఈ నేపథ్యంలోనే టీడీపీ నేత మోత్కుపల్లి చేత కేసీఆర్ టీఆర్ఎస్ ను విలీనం చేయనందుకే తెలంగాణ ఆగిందని కొత్త రాగం అందుకున్నాడు. శాసనసభలో సీమాంధ్ర టీడీపీ నేతల చేత చర్చకు అడ్డుపడకుండా చేయించలేని తెలంగాణ టీడీపీ దద్దమ్మలు..కేసీఆర్ ను కాంగ్రెస్ లో పార్టీ విలీనం చేయాలని చచ్చు ..ఉచిత సలహాలు ఇచ్చారు. ఇదంతా బాబు సూచనల మేరకే అన్నది అందరికీ తెలిసిందే అనుకోండి.

అయితే అసలు బాబుకెందుకు కేసీఆర్ చింత అని అంటే..కేసీఆర్ పార్టీని కాంగ్రెస్ లో విలీనం చేస్తే తెలంగాణలో బీజేపీతో పాటు మిగిలే పార్టీ టీడీపీ. ఈ పార్టీకి ఖమ్మంలో కొంచెం పట్టుంది. హైదరాబాద్ లో మహా అయితే ఈ సారి కొన్నిఓట్లు సాధిస్తుంది. మిగిలిన జిల్లాలలో మొండిచేయే మిగిలింది. అయితే కాంగ్రెస్ కు ప్రత్యామ్నాయం ప్రజలు చూడదలుచుకుంటే బీజేపీ - టీడీపీలు మిగులుతాయి. అందుకే బీజేపీతొ పొత్తు పెట్టుకుని తెలంగాణలో పోటీ చేయాలని బాబు ఆశ. టీఆర్ఎస్ అడ్డు తొలిగితే ఇప్పటికి కాకపోయినా భవిష్యత్ లో అయినా జనాలు అన్నీ మరిచిపోయి ఓటేస్తారని బాబు ఆశతో ఉన్నారు.

ఈ వ్యవహారం గమనించే తెలంగాణ పునర్నిర్మాణంలో టీఆర్ఎస్ పాత్ర ఎంతో మిగిలి ఉందని, ఇప్పటికి ఇచ్చిన మాటకు కట్టుబడి ఏ మాత్రం పార్టీని విలీనం చేస్తే మూడేళ్లు తిరిగే సరికి కాంగ్రెస్ - టీడీపీ రెండూ కలిసి తెలంగాణను నాశనం చేస్తాయని అనుమానంగా ఉన్నాడు కేసీఆర్. పదేళ్లు తిరగకముందే తెలంగాణ విభజనతో ప్రయోజనం లేదని సీమాంధ్ర మీడియాతో కొత్త నాటకం ఆడించి తిరిగి విలీనం చేసినా ఆశ్చర్యం లేదు. కేసీఆర్ తన స్వప్రయోజనాల కొరకు తెలంగాణ డిమాండ్ తెచ్చాడని తప్పుడు ప్రచారం చేసేందుకు సీమాంధ్ర మీడియా మాఫియా ఎప్పుడూ సిద్దంగానే ఉంటుంది.

 అందుకే తెలంగాణ ప్రత్యేక రాష్ట్రంలో నీళ్లు - నిధులు - ఉద్యోగాలు వంటి విషయంలో కీలక పాత్ర పోషించాలన్న ఉద్దేశంతో కేసీఆర్ ఇప్పుడు మౌనంగా ఉంటున్నారు. నవ తెలంగాణలో తెలంగాణ ప్రయోజనాల కొరకు టీఆర్ఎస్ పాత్ర లేకుంటే తెలంగాణ వచ్చినా కూడా ఉపయోగం ఉండదన్న అభిప్రాయంతోనే ఆయన విలీనం ఊసెత్తడం లేదు. అందుకే అవకాశవాద టీడీపీని బొందపెట్టి నవ తెలంగాణలో టీఆర్ఎస్ వెంట నడుద్దాం. తెలంగాణ ప్రయోజనాలను కాపాడుకుందాం.

జై తెలంగాణ ..జైజై తెలంగాణ

please like & share
www.facebook.com/thovva